دائیں آنکھ کی بینائی 6/9 (partial) ریکارڈ کی گئی ہے، جو بہتری کی طرف اشارہ ہے۔

بائیں آنکھ کی بینائی 6/6 یعنی نارمل بتائی گئی ہے، اس آنکھ میں بینائی کے حوالے سے کوئی نمایاں مسئلہ نہیں پایا گیا۔

ڈاکٹروں کے مطابق عمران خان کی مجموعی طبی حالت تسلی بخش ہے اور فوری طور پر کسی بڑے آپریشن یا بیرونِ ملک علاج کی ضرورت نہیں۔

سپریم کورٹ میں جمع کرائی گئی رپورٹس کے مطابق جیل میں عمران خان کو طبی سہولیات، خوراک اور سکیورٹی کے حوالے سے حالات اطمینان بخش قرار دیے گئے ہیں۔

عدالت کو بتایا گیا کہ عمران خان کو جیل کے اندر میڈیکل چیک اپ، ادویات اور ضرورت پڑنے پر اسپتال ریفر کرنے کا انتظام موجود ہے، اس لیے صحت کے حوالے سے کوئی فوری خدشہ نہیں۔

حکومت کا کہنا ہے کہ موجودہ رپورٹ کے مطابق عمران خان کو نہ تو فوری اسپتال منتقل کرنے کی ضرورت ہے اور نہ ہی بیرونِ ملک علاج کا کوئی جواز بنتا ہے۔

حکومتی وزرا کا مؤقف ہے کہ عمران خان کی صحت پر سیاست نہیں ہونی چاہیے، ریاست ان کو آئینی و قانونی حق کے مطابق مکمل طبی سہولیات دے رہی ہے، اور کسی بھی ممکنہ ایمرجنسی کی صورت میں انہیں فوری طور پر اسپتال منتقل کیا جائے گا۔

عمران خان کے ذاتی معالجین اور قریبی رہنماؤں کو بریفنگ دی گئی جس کے بعد انہوں نے بینائی میں بہتری کی تصدیق تو کی، لیکن ساتھ ہی مطالبہ کیا کہ انہیں مریض تک براہِ راست اور مستقل رسائی دی جائے۔

اپوزیشن رہنما جیل کے باہر اور پارلیمنٹ کے سامنے احتجاج جاری رکھے ہوئے ہیں اور حکومت پر الزام عائد کر رہے ہیں کہ عمران خان کو مکمل سیاسی اور طبی سہولیات فراہم نہیں کی جا رہیں۔